الله يلعنك ياوقت مقوى سمك.. اتجيك المصايب من قرايب دمك

(82) Facebook.

الله يلعنك ياوقت مقوى سمك.. اتجيك المصايب من قرايب دمك
اشربنا كاسك.. اروينا اجرعنا مراير ياسك
شن درتلك ياوقت فيا ماسك.. اتستف علينا في عدايل همك
موعر الطعنه من قرايب ناسك.. اتجيك ف القفا فالكتف و اوطى كمك
بسيفهم الداثر هم ايقصوا راسك.. بلا غير قبله ويشربوا من دمك
سلوم للعدوا ثاريتهم حراسك.. اللي مام خوتك هم ضراري عمك
تحسابهم عزوه ايعلوا ساسك.. عليك يخرموا نايل السيل ايعمك
وتبرم الريح ويكسروا مجدافك.. ويرقى عليك الموج لين ايغمك
وعليك يدشعوا ساعة ايطيب اعفاسك.. ايلقوا اللقمه قبل توصل فمك
فالغير داثر وفيك يقطع فاسك.. لاحضن دافي لاحبيب ايضمك
فالسر تحبس عبرتك وانفاسك..غوله اتوليلك الوده امك

Advertisements